بالعدني عدن الفل والكادي

25 - يوليو - 2017 , الثلاثاء 06:35 مسائا
83 مشاهدة | لا يوجد تعليقات
الرئيسيةالطاف الاهدل ⇐ بالعدني عدن الفل والكادي

الطاف الاهدل
أنى رجعت من جديد.. رجعت من عدن.. من مسقط رأس الجمال والدفيء والبساطة.. عارفين يا جماعه عدن دي مثل أيش؟!... عدن دي مثل الوردة البيضاء اليتيمة في بستان كبير.. بس برضه مش عدن وحده ورده.. كل محافظات اليمن ورد...ها...عشان ما تقولوش أني جنوبية.. ولا تقولوا دحباشية.. أني لا يهمني الحراك ولا العفافيش.. البلد دي حلوه... بس مثل ما هي مليانته طيبة وخير وأمل.. برضه مليانته جهود ونكران... تقولوا ليش ياجماعة؟!
يمكن نحن نكذب على أنفسنا كثير.. يمكن نظلم بعضنا كثير.. يمكن كل واحد مننا يا الله نفسي...
لما كنت أجي عدن زمااان كنت أحس أني برجع له في يوم.. كان يضايقني هذا الإحساس لأنه كان مرتبط بالخوف.. لكن دحين خلاص رجعت وبدون خوف... رجعت لعدن.. الفل والكادي والبوابير القديمة المدقدقه وعرف الصيد الطازه وشباب الياتو اللي حرروا محافظتهم ووقفوا يد وحده ضد الحوثي.. أنى رجعت لعدن لنصفي الثاني اللي تركته زمان وأني صغيرة..
الناس في عدن قلوبهم واسعة.. رايقين.. البحر عامل زي المغناطيس يجذب كل أجزاءهم.. ونظرتهم للأحداث نظره ثانية تختلف كثير عما كنت أتوقع.. صحيح ثقافة الحزب الضبابية حجبت الرؤية فترة طويلة من الزمن بس أصحاب عدن يعرفوا متى يحطوا النظارة ومتى يشيلوها!

مافيش أحسن من الأمان، لأن الأمان يدفعك لخلق فرصه للحياة الكريمة.. وفي ظل يولد الجوع ويترعرع الفقر ويكبر الحرمان.. في عدن اليوم تنطلق للأمام بكل قوه عشان يرجع الدم لعروقنا من جديد، ونقدر نرسم أحلامنا ونخطط لنجاحاتنا ونعيش صح زي دوناك الناس الآمنين »

هل ترغب بالتعليق على الموضوع ؟

الإسم:

البريد الإلكتروني :

العنوان :

نص التعليق :
*

مساحة إعلانية

فيس بوك

تويتر

إختيارات القراء

إختيارات القراء